Agapito bere familiarekin bizi den eltxo banpiroa da. Guztiek dute gustuko gauero hilerriko tabernara odol freskoko txupitoak edatera joatea, baina berari interesatzen zaion bakarra musika da. Tronpeta jotzen du eta betiko ametsa du egiazko orkestra batean jotzea.

Egun batean Agapito horma-hobitik joaten da, etxetik urrun bidaiatzen du, eta “La ChicaCharcos & The Katiuskas Band” musika taldeko kideak topatzen ditu. Une horretatik aurrera tronpetista gisa izar bihurtuko duen abentura hasten da.