Mark Cunningham 70. hamarkadaren bukaerako NY underground-eko beteranoa da. Beste zenbait musikarirekin, besteak beste Arto Lindsay, Lydia Lunch, Summer Crane eta abarrekin, No Wave mugimenduaren partaidea izan zen. Dena dela, 80. hamarkadaren bukaeran, Bartzelonara joan zen eta bertan jotzen hasi zen, hainbat artista eta proiekturekin - Pascal Comelade, Victor Nubla, Gato, Anton Ignorante, Pierre Bastien, eta abarrekin- lankidetzan arituz.