Kontxako hondartzan zodiak batek harrapatu ninduen, Castilleko de Jaca herrian basurde batek hozka egin zidan, Lasturren bi txahalek airean erabili ninduten, Donostiako 27. Poligonoan Santa Barbara suziri batez erre nintzen, eta nire motorretan zenbait hezur puskatu ditut. Egunero bainatzen naiz itsasoan, kirol esgrima eta erdi aroko esgrima eta ezpata praktikatzen ditut, badakit orbainik gabe ez dagoela probarik, eta zenbat eta gehiago ezagutu gizakia, orduan eta gehiago gustatzen zaizkit banpiroak.
Itzultzaile izateko ikasi nuen, izugarri gustatzen baitzaizkit hizkuntzek dakartzaten joko malefikoak. Bidean Zinema, Motorrak, Zezenak eta zenbait komunikabide gurutzatu zitzaizkidan. Alemana ikasten jarraitzen dut, oso maite baitut Berlin hiria. Geminis naiz, eta ondorioz, zorionez, eskizofrenikoa; berdin aritzen naiz laguntzaile Donostiako Giza Eskubideen Zinemaldian eta txit prestu eta leiala den hiri bereko Fantasiazko eta Beldurrezko Zinemaren Astean.
“European Film Academy” (EFA)-ko kidea eta Argentinako “Academia de Artes y Ciencias Cinematográficas” akademiako ohorezko kidea. 2015ean Ministroen Kontseiluak Arte Ederren Merezimenduzko Urrezko Domina eman zion. 2021 urtean Frantziako Kultura Ministerioak “Chevalier de l´ordre des arts et des lettres” izendatu zuen (Frantziako Errepublikako Arteen eta Letren Ordenaren Zalduna). Pedagogia Berezian lizentziatua da. 22 urtetan zehar Donostia Kultura Zinema Unitateko Zuzendaria izan da. 21 urtez Fantasiazko eta Beldurrezko Zinemaren Asteko Zuzendaria eta 8 urtez Donostiako Giza Eskubideen Zinemaldiko Zuzendaria izan da. 22 urtez Nosferaturen liburuen bilduma zuzendu du.
Euskal zinemagileei buruzko zenbait libururen egilekidea da, besteak beste zinemagile hauena: Elías Querejeta, Montxo Armendáriz, Antxon Eceiza, Julio Medem, Javier Aguirresarobe eta abar. Asiako zinemaldiari buruz ere idatzi du (Shinya Tsukamoto, olerkaria eta zinematografoko gerrilaria), eta bestelako zenbait gairen inguruan ere aritu da (El dolor, los nervios culturales del sufrimiento / Breve historia del cortometraje vasco). 2011ko urtarrilaren 1ean Donostiako Zinemaldiko Zuzendari kargua hartu baino lehen, Zuzendaritza Batzordeko partaidea izan zen 15 urtez. 2017ko urrian Tokioko Nazioarteko Zinemaldiko 30. edizioan Asian Future saileko epaimahaikidea izan zen. 2018ko abuztuan First Look Juryko epaimahaikidea izan zen Lokarnoko Jaialdian. BWIP (Bloody Work in Progress) sekzioko hautatzailea da, 2013an Blood Window-ren lehenengo edizioa egin zenetik, (Ventana Sur, Argentina). Casa Asia-ko Kultura Aholku Batzordeko kidea da.
2011. urtetik Donostia Kulturako Zinema Unitateko Arduraduna da, eta bere erantzukizunak, besteak beste, Donostiako Fantasiazko eta Beldurrezko Zinemaren Astea, Giza Eskubideen Zinemaldia eta Nosferatu zikloak dira. Era berean Larrotxeneko kultur gunea –ikus-entzunezkoen prestakuntzan partzialki espezializatua- zuzendu du.
Gasteizen ORHUM zine klub unibertsitarioaren sortzaileetako bat izan zen. 1992tik 2008ra bertan aritu zen mota guztietako jarduerak sustatzen (fantasiazko zinemaren astea, gaien inguruko zikloak, argitalpenak…). Ziklo komisarioa ere izan da (“Amar el Cine” zazpi urtez Gazteizko kultura udal sailerako), baita Zinemastean programatzailea eta koordinatzailea ere - Krea-Fundación Caja Vital Kutxa-eko Euskal Zinemaren Astea- , eta Cortada film laburren jaialdiko zuzendaria ere bai.
Montehermoso Kultur Guneko teknikaria den aldetik programazioaren koordinatzailea izan da eta beste zenbait eginkizun izan ditu NEFF (Europako Zinema Berriko Jaialdia) delakoan, eta urteroko bere erakustaldietan (Zinema eta Giza Eskubideak, D-NEFF Zinema esperimentala), baita aurreko Gasteizeko Bideo Jaialdietan ere.
