SAIL OFIZIALA EPAIMAHAIA
Kristina Zorita Arratibel (Donostia 1968ko ekainaren 27a). Kazetaria, 30 urteko ibilbidea du EITBko albistegietan. Azken 11 urteetan, Eitb.eus-eko PANTAILA HANDIAN zine bloga osatzen du, euskal zinemari tarte zabala eskaintzen diona. Cannes, Berlin, Venecia, Londres, Sevilla eta Valladolideko zinemaldiak bertatik bertara jarraitu ditu.
London Film Schoolen gidoi master tituluduna, PIL PIL film laburra idatzi eta zuzendu du. Filma, besteak beste, Edinburgh Spanish Film Festivalen, ZINEBIn eta Eibar eta Errenteriako Zinemaldietan lehiatu da. Zuzendari moduan bere lehen film laburra, SAMINA, Grasse hiriko Festival Les Toutes Premières Fois jaialdian eta Lekeitiko Zinebileran lehiatu zen. Izaskun Arandiaren NIGHT SIFHT laburra ekoitzi du.
Pasaden Zinemaldiko Euskal Zinemaren Irizar Sariko, Nanteseko Festival du Cinema Espagnolen eta Hendaiako Film Festivalen epaimahaikide izan da. Zinemaldi horretako hautapen batzordeko kide izan da.
AICE (Asociación de Informadores Cinematográficos) elkarteko kide eta Premios Ferozeko epaimahaikide ia hasieratik izan da. Sari horietan FEROZ ARREBATO NO FICCIÓN sariaren bultzatzaile.
(H)EMEN (Euskadiko ikus-entzuneko sektoreko eta arte eszenikoen emakumeen elkarteko) sortzaile eta egun ko-presidentea.
Miren Iza (Donostia, 1979) euskal konpositore eta abeslaria da. 2006az geroztik, eta Tulsa izen artistikoarekin, zazpi disko argitaratu ditu, azkena, Amadora, 2023ko azaroan argitaratua bere zigilu propioan, Matxitxako Records, eta María Velasco antzerkigileak idatzitako eta zuzendutako antzerki-bertsioa izan du.
Mirenek gaztelaniaz idazten ditu abestiak, pop bokazioz abestutako kontakizunak. Genero desberdinetako emakumeen eragin handia izan zuen: Mari Trini, Beach House, Bessie Smith edo Mina, eta Carver, Ginzburg edo Anne Carsonen literatura.
Zinemarekiko maitasunak hainbat zinema-proiektutan parte hartzera eraman du, hala nola Jonás Truebaren Los exiliados románticos filmeko soinu-bandan edo Raúl Santos Ignonautaren metraje ertainekoan. 2020an, Espainiako Filmategiaren ziklo batean parte hartu zuen, 50 eta 60ko hamarkadetan Zinema Eskola Ofizialetik igaro ziren hainbat emakume zinemagileren lanak sonorizatuz.
Soinu artista, ikerlari independientea, ekoizle artistikoa, kuradorea eta entzulea.
Azken 30 urteotan alor anitzetan lan egin du entzumena eta soinugintzarekin zerikusia duten egitasmotan.
Musikaren arloan, bakarkako lanak nahiz kolaboratzaile zerrenda luzearekin egin du lan, nagusiki rock esperimentala, inprobisazio askea edo musika elektronikoa bezalako estiloak jorratuz. Zinemaren eta arte eszenikoen munduan soinu diseinatzaile lanak bete ditu 100 film eta ikuskizun baino gehiagotan, haietako batzuengatik sariak jasoz. 2021ean O GEMER bere film luzea estreinatu zuen. Bere soinu instalazioak eta bestelako lanak hainbat nazioarteko jaialdi, kultur zentru eta museotan erakusten dira.
Kuradore gisara, ERTZ Bertze Musiken jaialdiaren ko-zuzendari izan da (1999-2017), Arteleku arte garaikideko ekoizpen zentruaren soinu departamentua (2002-2014) zuzendu zuen eta bestelako ekitaldi, ziklo eta erakusketetan komisario lanak bete ditu internazionalki.
Hainbat komunikabidekin lan egiten du, bereziki musikari eta entzumenaren kulturari eskainitako irratirako lanak eta iritzi artikuluak idatziz.
AUDIOLAB elkarteko kide da.
Hezkuntzaren arloan ere aritzen da, EQZE zine eskolan eta puntualki hainbat hezkuntza zentro eta unibertsitaterekin elkarlanean.